rakstur_hedder.jpg
mobilfallback_rakstur.png
rakstur_hero.jpg
rakstur_hedder.jpg

Rakstur


Góð ráð fyrir betri rakstur

SCROLL DOWN

Rakstur


Góð ráð fyrir betri rakstur

Margir karlmenn raka sig oft í viku, jafnvel daglega. Þó hefur það vafist fyrir mörgum hvernig á að raka sig án þess að því fylgi óþægindi með eða á eftir. Í þessum bækling eru upplýsingar um hvernig þú getur rakað þig á réttan hátt. Ef þú hefur einhverjar spurningar um raksturinn spurðu þá rakarann þinn.

UNDIRBÚNINGUR

Lykillinn að góðum rakstri er að undirbúa húðina áður en þú berð á þig raksápu. Best er að raka sig í heitri sturtu eða eftir hana, eða að setja vel heitt og rakt handklæði á andlitið í um það bil 2 mínútur fyrir raksturinn. Þetta mýkir skeggið, örvar og opnar húðina þannig að raksturinn verður auðveldari og þægilegri. Skegghár sem ekki hefur verið mýkt með hita er mjög hart og þar af leiðandi slítur það dýrum rakvélarblöðum hratt. Skegghárið er harðara en eggin á rakvélarblaðinu og þegar undirbúningi er sleppt, verður rakvélarblaðið fljótlega skörðótt og bitlaust. Bitlaust blað er ein meginástæðan fyrir óþægilegum rakstri og skurðum.

RAKSÁPAN

Notið raksápu sem inniheldur glýserín, eða sápu sem freyðir með vatni. Forðist froðu og gel eða efni sem innihalda deyfandi efni svo sem benzocaine eða mentól. Þessi efni loka húðinni og gera skeggið stífara. Notið hóflegt magn af raksápu, of mikið magn af sápu gerir raksturinn hvorki auðveldari né betri. Góðar raksápur freyða með vel útilátnum skammti af vatni. Þótt sumar raksápur og rakkrem megi bera á með fingrunum jafnast ekkert á við að nota góðan rakbursta. Burstinn mýkir og opnar húðina enn betur, ýfir skegghárin þannig að raksturinn verður enn auðveldari en annars.

RAKVÉLIN OG BURSTINN

Rakvélar eru margskonar og geta verið með allt frá einu upp í fimm blöð. Það er þó okkar mat að það sé óþarfi að vera með fleiri en eitt blað. Rakstur með rakhníf hjá rakara er oft talinn besti rakstur sem hægt er að fá og því ætti ekki að þurfa fleiri blöð heima. Slíkar sköfur eru oftast kallaðar gamaldags rakvélar en heita á ensku safety razor. Með því að nota slíka sköfu ertu með minnsta áreitið á húðina en það þarf þó að fara varlega því það getur verið auðveldara að skera sig ef farið er óvarlega.

Rakburstar eru til í mörgum tegundum og skipta hárin mestu máli þegar burstinn er valinn. Svínshár eru ódýrustu hárin og þau hár sem við mælum síst með. Greifingjahár eru þau hár sem best henta í rakbursta en þau hár eru þó til í nokkrum gerðum. Gerviefni eru þó að sækja á og nú eru komnir burstar á markað sem jafnast á við greifingjahár en á töluvert lægra verði.

Hreinsið burstann og rakvélina eftir hverja notkun. Hristið vatn úr burstanum, ekki vinda hann. Best er að geyma burstann með hárin hangandi niður, það kemur í veg fyrir að raki safnist í botninn á honum. Forðist að geyma burstann í lokuðum skáp til að koma í veg fyrir myglu. Skiptið um rakvélarblað um leið og raksturinn fer að verða lélegur eða óþægilegur.

mobilfallback_rakstur.png

Raksturinn


Raksturinn


RAKSTURINN

Rakið alltaf í sömu stefnu og skeggið vex, aldrei á móti. Að raka á móti skeggvextinum er algengasta orsök fyrir sviða og inngrónum hárum í andliti. Rakstur þvert á skeggvöxtinn er í lagi. Sumir karlmenn þola það að raka sig á móti skeggvextinum, en þá eingöngu eftir að hafa rakað sig fyrst í sömu átt og skeggið vex. Rennið sköfunni létt yfir hörundið og hafið eins strekkt á húðinni og mögulegt er. Hreinsið rakvélarblaðið oft og vel meðan á rakstrinum stendur, þannig að ekki safnist hár á milli blaðanna því þá hætta þau að virka. Ef sápan þornar meðan á rakstrinum stendur, notið þá meira vatn og vinnið upp froðuna með burstanum án þess að bæta við sápu.

EFTIR RAKSTUR

Hver kannast ekki við það að klára raksturinn með því að skella á sig vænum skammti af rakspíra, standa síðan á öndinni og hafa það á tilfinningunni að maður hafi skvett bensíni á andlitið og kveikt svo í. Það sem gert er eftir raksturinn er ekki síður mikilvægt en undirbúningurinn. Strax að loknum rakstri skal setja kalt vatn á andlitið og loka þannig húðinni aftur eftir raksturinn. Þá fyrst skal bera á sig rakspíra eða krem (balm) til sótthreinsunar og mýkingar.

rakstur_hero.jpg

Vörur fyrir rakstur


Gæða vörur gera raksturinn enn betri

Vörur fyrir rakstur


Gæða vörur gera raksturinn enn betri

Við notum eingöngu gæða vörur

Í verslun okkar færðu allt sem þú þarft til að gera raksturinn enn betri. Við erum við mikið úrval af sköfum, rakhnífum, burstum og sápum. Þú færð svo hjálp frá okkur að finna réttu vörurnar fyrir þig til að nota eftir raksturinn.